A penpeni mopidagu

21april 2021
Langaten wan weti penpeni mopidagu nanga wan bigiskin blaka dagu ben de lobiwan.Fa a du kon, no aksi mi, ma den ben laspasi. A bigiskin blaka dagu waka ala dagu fesa ini a kontren fu suku en lobiwan, a weti penpeni mopidagu. A bigiskin dagu e meki pkin dagu, leki konkoni, ma toku a e misi en owru lobi, en weti penpeni mopidagu. Wandei, a bigiskin blaka dagu tnapu na tapu a uku fu wan Sneisi wenkri e onti dagu, ne a smeri wan smeri.
A ben smeri a smeri bifo. A no draidrai, a beni a boktu, lon go fu pe a smeri kmoto. Di a doro a no luku a weti penpeni mopidagu ini en ai, a lon go langalanga nanga tongo di e anga te na gron, fu sutu en noso na a sdonpresi fu en lobiwan. A bigin smeri, en tere e hari go na mindri en bowtu kon miti en bere. A breiti sote, a grabu a pôti weti penpeni mopidagu. A mopidagu no sabi san e miti en. A e suku fu hari ensrefi puru, ete a bigiskin dagu no e yesi en. A ben de wansani fu syi fa a bigiskin blaka dagu e prisiri. Mi no sabi san libi fu a weti penpeni mopidagu. Dagu tyari en!

Mi nanga mi law go denki, fa a ben sa de, efu libisma, te den no syi makandra langa, te den miti baka, meki un taki na Kwaku, den e taki odi leki dagu? Yu grabu en?

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit /  Bijwerken )

Twitter-afbeelding

Je reageert onder je Twitter account. Log uit /  Bijwerken )

Facebook foto

Je reageert onder je Facebook account. Log uit /  Bijwerken )

Verbinden met %s