13 april 2021

Te trutru e kibri krintaki (waarheid) fu unu du, san na a makti fu takru?
Suma abi libi, suma e dede, te lenti e marki soso a de fu un tide?
Ofara na krosbei disten, te de makandra e tergi, nanga spenkiten (avondklok) ini takru dren?
San, na a bun di l’lei e tyari, di wi edetyopbuku (hersenen) musu fu swari?
San e tranga unu swaki, te tapu no e sori a inbere fu unu krakti?
Fa wi musu fu fertrow frede, te kontren no e sori lespeki gi unu deibrede?
Fa a du kon fu di saf’ati lasi firi, fu fingatopi di mu gi mamabobi prisiri?
Fa a du kon taki takru moi, moro moi, te syi, smeri nanga yere, e freiri nanga yu trami (alter ego)
San no de di mu kon, fu grontapu en konsensi no tron ston, sondro gron?
Fusan-ede, yu e ando (vernederen) mi. San-ede yu no e bribi ini a bruya di e kwinsi mi?
Luku fa grontapu en bro e tapu.Te trutru e kibri krintaki (waarheid) fu unu du, san na a makti fu takru?