1 november 2020

Te yu e krei pina, ete yu e pina, yu sa tan pina
Te yu no e krei pina, ete yu e pina, yu e pinapina
Te yu e prei gudu, kba yu no gudu, yu na dyugudyugu
Te yu no e prei gudu, kba yu no gudu, yu e sukusuku
Te yu e suku siki, te yu no e siki, yu e sikisiki
Te yu e bribri a bribi fu a libi, yu de libilibi
Te yu e sasi denki fu kenki, yu e dikidiki
Te yu no e tesi a tesi fu mi sweti, mi no watrawatra
Te yu a no man efu uma, mi e kari yu “natra efu natrasma”
Te yu wani smeri a lobi fu mi firi, yu mu firfiri mi
Te yu wani syi okro tapu yu finga, na mi yu mu fingafinga
Te yu feni taki mi wortu na tap’ai krasi
Pingi mi, mi no wani yu kisi kraskrasi!